महजान के सूद

ग़ज़ल

महजान के सूद के, सामान हो गईल

भीरवा की बिटिया जवान हो गईल ।

करजा से सोहर, करजे से सराध होखे,

ई बंधुआ रहे के बिधान हो गईल

घड़ी घड़ी आवत रहे, हाल चाल पूछे,

भोट जबसे देनी उ त चान हो गईल

जवन चाहीं तवन ल, रूपया अगर होखे,

देस अब बनिया के दोकान हो गईल

कउवा सियार के बहार आ गईल,

मंच जबसे देस के मचान हो गईल ।

ई ह आजादी, त गुलामी रहे नीक,

सहीदवन के खून त जियान हो गईल

निर्मल चौधरी

रिटायर जुट मजदूर

सम्पादक - मजदूर, मासिक पत्रिका परमेश्वरी

7 तियरपाडा लेन तेलनीपाडा भद्रेश्वर हुगली, 712125

सचल दूरभाष - 9062960251